පළමු
පොත
පරිච්ඡේදය 02 – රහස පිළිබඳ සරල විග්රහය
ඔබ සිතන ආකාරයට ,ඔබේ
ජීවිතයේ යම් යම් දේ
සිදුවන්නේ , ඔබේ වාසනාව හෝ
අවාසනාව පදනම් කරගෙනද ? ඔබ සිතන ආකාරයට
, ඔබේ නරක වෙලාව නිසා
, ඔබට නොයෙකුත් කරදරවලට පත් වීමට සිදු
වුණාද ? ඔබේ විශ්වාසයට අනුව
, ඔබට සිදුවන දේ පාලනය කිරීමේ
කිසිම හැකියාවක් ඔබ සතුව පවතින්නේ
නැද්ද ?
එසේත් නැතිනම් , ඔබ සිතන්නේ , ඔබේ ජීවිතය ඔබේ දෑත මත ඇති බැවින් , ඔබට යහපත් දේ පමණක් සිදු වන බව ද ? තෝරා ගැනීමේ අයිතිය ඔබ සතුයි… ඔබ තෝරා ගන්නේ කුමක්ද , එය ඔබේ ජීවිතය තුළ ඔබ අත්දකින දේ බවට පත් වේවි ..
ඔබගේ නොවෙනස් වන සිතුවිලි හරහා , ඔබ විසින් ඔබ වෙත ළඟා කර ගන්නා අත්දැකීම් හැරුණු කළ , වෙනත් කිසිම දෙයකට ඔබ වෙත ළඟා ළඟාවීමේ හැකියාවක් නැත.. අප අතරින් බොහෝ දෙනෙකුට මේ කරුණ මගහැරිලා තිබෙනවා … අපි සිතන්නේ , අපේ ජීවිත තුළ සිදුවන දේ පාලනය කිරීමේ හැකියාවක් අපිට නැති බවයි …
අපේ සිතුවිලි සහ හැඟීම් ස්වයංක්රීය පාලනයකින් යුක්තයි.. මේ නිසා අපි නොදැනුවත්වම , අපේ සිතුවිලි සහ හැඟීම් වල ප්රතිඵල අපේ ජීවිත වලට ඉබේම ළඟාවෙනවා … දවස පුරා අප තුළ හටගන්නා සිතුවිලි එකක් එකක් පාසා විමසීම අපිට කළ නොහැකි දෙයක්… අපේ සෑම සිතිවිල්ලක්ම පාලනය කිරීමට අපි උත්සාහ කළොත් එය ඉතාමත් වෙහෙසකර ක්රියාවක් වේවි …
නමුත් පහසු ක්රමයක් තිබෙනවා …ඒ තමයි අපේ හැඟීම් .. අපි සිතන්නේ කුමක් පිළිබඳව ද යන්න අපේ හැඟීම් විසින් අපිව දැනුවත් කරනවා… අපේ හැඟීම් ද ඇතුළුව , අපි අත් දකින සෑම දෙයක්ම සඳහා හේතුවන්නේ අපේ සිතුවිලියි … අපේ හැඟීම් යනු , අපි සිතන්නේ කුමක්ද යන්න පිළිබඳව අපව දැනුවත් කිරීම සඳහා අපට ලැබී ඇති වටිනා ත්යාගයක් …
ඔබ තුළ යහපත් අයහපත් දෙයාකාරයෙන්ම හැඟීම් පවතිනවා… අයහපත් හැඟීමි යනු , වෛරය, විශාදය, අමනාපය ආදී දේය. ඇත්තෙන්ම මෙවැනි හැඟීම් ඔබව ශක්තිමත් කරන්නේ නැහැ .. ඔබ ඔබෙන්ම මෙසේ විමසන්න . “ඔබට දැනෙන්නේ කෙසේද ?” දවස අතරතුර ඕනෑම වෙලාවකදී, මොහොතක් නතර වී ,ඔබට ඔබෙන් මෙම ප්රශ්නය විමසිය හැකිය.. මෙමගින් ඔබ ඔබගේ හැඟීම් පිළිබඳව දැනුවත් වෙයි .. ඔබ තුළ යහපත් සිතුවිල්ලක් පවතින අතරතුරදී, අයහපත් හැඟීමක් ඇති වීමට කිසිදු හැකියාවක් නැති බව අවබෝධ කර ගැනීම මෙහිදී ඉතා වැදගත් … මන්දයත් ඔබගේ හැඟීම් ඇති කරන්නේ ඔබගේ සිතුවිලි හරහාය.
සිතන්න , උද්යෝගිමත් බව , ප්රීතිමත් බව , ස්තුතිවන්ත බව , ආදරය , ආදිය අපිට දිනපතා දැනෙනවනම් එය කෙතරම් සුන්දර අත්දැකීමක් වේවි ද? අපි මෙවැනි යහපත් හැඟීම් සමඟ ජීවත් වීමට පටන් ගත් විට ,තව තවත් යහපත් හැඟීම් සහ අප සතුටු කරවන තව තවත් දේ අප වෙත ආකර්ෂණය වීමට පටන් ගනියි.. ඔබ තුළ යහපත් හැඟීම් ඇතිවන විට , ඔබ විසින් ඔබගේ අවශ්යතාවන්ට සරිලන ආකාරයේ යහපත් අනාගතයක් නිර්මාණය කරනු ලබයි.. ඔබට යහපත් හැඟීමක් ඇතිවන අවස්ථාවලදී ඒ හැඟීම තදින් අල්ලාගන්න ,එමගින් පෝෂණය වන්න.. අපේ හැඟීම් යනු අප නිවැරැදි මාවතේ ගමන් කරනවාදැයි දැනගැනීමට අපට උදව් කරන ක්රියාවලියකි.. එසේනම් ,ඔබ තුළ අයහපත් හැඟීම් ඇතිවන විට , එය ඔබට විශ්වයෙන් ලැබෙන්නා වූ අනතුරු ඇඟවීමක් බව සිහියේ තබා ගන්න.. එමඟින් ඔබට පවසන්නේ ඔබ ඔබේ සිතිවිලි වහාම වෙනස් කරගත යුතු බවයි..
ජීවිතයේ සාර්ථකත්වය සඳහා සූදානමින් සිටින්න.. ඔබට අවශ්ය දෙය ළඟාකර ගැනීම සඳහා , ඒ සඳහා අවශ්ය හැඟීම් ඔබ තුළින් උත්පාදනය කර ගැනීම පවා ඔබට සිදු කළ හැකිය… එනම් ඔබගේ අවශ්යතාවය සඳහා ගැලපෙන සංඛ්යාතයන් ඔබ තුළින්ම උත්පාදනය කිරීමට ඔබට හැකියාව ඇත..
සතුන් යනු හරිම අපූරු ජීවී කොට්ඨාශයක්.. ඔබේ හැඟීම් වඩාත් ඉහළ මට්ටමකට රැගෙන ඒමට ඔවුන්ට හැකියාව තිබෙනවා.. විශ්ව ආකර්ෂණීය නීතියට අනුව ඔබ වෙත යහපත ළඟාවීම සඳහා , ඔබේ සිතුවිලි වල සහ ආදරය එකතුවී සෑදෙන සංකලණය ඉතා වැදගත් වෙනවා.. ආදරය තුල ඇති බලයට වඩා විශාල වෙනත් කිසිම බලයක් මේ විශ්වය තුල පවතින්නේ නැහැ.. ආදරය පදනම් කරගෙන ඇතිවන හැඟීම් හරහා ජනනය වන සංඛ්යාතයන් යනු ,ඔබ තුළින් උත්පාදනය වන ඉතාමත් ඉහළ ගණයේ සංඛ්යාතයන් ලෙස හඳුන්වන්න පුළුවන්… ඔබට හැකිනම් , ඔබේ සෑම සිතිවිල්ලක්ම ආදරයෙන් පුරවාලන්නට, ඔබට හැකිනම් හැකිනම් සෑම දෙයකටම , සෑම පුද්ගලයකුටම , නොපසුබටව ආදරය දක්වන්නට , ඔබේ ජීවිතය අනිවාර්යෙන්ම පරිවර්තනය වේවි.. ඔබේ සිතුවිලි වලින් තවත් කෙනෙකුට හානියක් කරන්න ඔබට හැකියාවක් නැහැ , එමගින් ඔබ හානියක් කරගන්නේ ඔබටමයි.. සිතන්න , ආදරය පදනම් කරගත් සිතුවිලි ඔබ සිතනවානම් , එහි ප්රයෝජනය කාටද ? ඔබටමයි .!
ඔබේ සිත නිරතුරුවම ආදරයෙන් පිරී පවතිනවා නම් , විශ්ව ආකර්ෂණීය නීතියට අනුව , ජීවිතයේ උපරිම මට්ටමට පැමිණීමට ඔබට හැකියාව තිබෙනවා.. එයට හේතුව , ඔබ ක්රියාත්මක වන්නේ විශ්වයේ ඉහලම සංඛ්යාතයන්ට අනුවයි .. ඔබ තුළ කෙතරම් ආදරයක් පවතිනවාද , එතරම් සුවිශාල වූ බලයක් මගින් විශ්වය විසින් ඔබව සන්නද්ධ කරනවා..
0 Comments:
Post a Comment